Ali Mazrui

Ali Mazrui Al'amin alizaliwa Februari 1933 huko Mombasa Kenya, ni mwandishi wa Kisiasa kuhusu Afrika na masomo ya kiislamu.Yeye ni Profesa wa Albert Schweitzer na mkurugenzi wa Taasisi ya Utamaduni ya Global katika Chuo Kikuu cha Binghamton huko Binghaton, New York.

Mazrui alisomea katika shule za Mombasa, nchini Kenya, alipata B.A yake kutoka Chuo Kikuu cha Manchester nchini Uingereza mwaka 1960 na M.A yake kutoka Chuo Kikuu cha Columbia huko New York mwaka 1961, na Shahada ya Udaktari (Dph ) kutoka Chuo Kikuu cha Oxford mwaka 1966.

Baada ya kukamilisha elimu yake katika Chuo kikuu cha Oxford, Mazrui alijiunga na chuo kikuu cha Makerere( kampala Uganda) ambapo aliwahi kuwa mkuu wa Idara ya Sayansi ya Siasana Mkuu wa Kitivo cha Sayansi ya Jamii. Mwaka wa 1973 alilazimika kwenda uhamishoni na Idi Amin.Mwaka 1974 alijiunga na kitivo cha Chuo kikuu cha Michigan kama Profesa na baadaye aliteuliwa Mkurugenzi wa Kituo cha Mafunzo ya Afroamerican na Afrika (1978-1989).

Utafiti na maslahi yake ni pamoja siasa za Afrika, Utamaduni wa siasa za kimataifa, Uislamu wa Kisiasa na Uhusiano wa Kaskazini na Kusini, ni mwandishi wa vitabu zaidi ya ishirini.

JE WAJUA

Mbali na uteuzi wake kama profesa wa Albert Schweitzer katika sayansi ya siasa, mafunzo ya Afrika, filosofia, Ufafanuzi na Utamaduni Mkurugenzi wa Taasisi ya Utamaduni ya Global, Mazrui pia ana nyadhifa zingine tatu katika chuo kiku cha Jos nchini Nigeria,na chuo kikuu cha Cornell huko New York na pia ni kansela wa Jomo Kenyatta chuo kikuu cha Kilimo na Teknolojia.

Mwaka wa 2005, Mazrui Ali alichaguliwa wa 73 kwenye orodha ya wasomi 100 duniani na gazeti la Prospective la Uingereza na pia la Foreighn Policy la Marekani.

Hivi sasa ana zaidi ya nyadhifa 8 katika nchi tatu.

Pia yeye huchangia mara kwa mara katika magazeti ya Kenya, Uganda na Afrika Kusini.

Ana tuzo zaidi ya kumi kutoka nchi mbalimbali na vyuo Vikuu mbalimbali.